Sha ka ‘ICC’s Most Valuable Team’ jong ka T20 World Cup rung ka nongap-wiket/nongtied ba paw ka India

Delhi, Rymphang:

 Ka nongialehkai Kriket jong  ka India kaba long ruh ka nong-ap-wiket bad ka nongtied ba  tbit ka Richa Ghosh ka lah nang iai synshar ha ka kam ialehkai ka jong ka; khamtam eh ha ka jing-iaid lynti ka kynhun sha ka jing-iakhun semifinal jong ka lympung ialehkai ba mynta ka Women’s T20 World Cup ha Cape Town. Da katei ka jing-ialehkai bha ka la lah ruh ban pynlong ia katei ka nongialehkai ban rung sha ka khusnam jong ka ICC; kata sha ka ‘Most Valuable Team’ jong ka lympung ialehkai. 

 Shuh shuh ruh katei ka nong-ialehkai ba 19 snem kaba tbit ha ka liang ap-wiket bad kaba ju mih tied ha ki nombar ba shapdeng ka lah don ia ki katto katne kiba long hapoh jong ka jingkamai ron ba ka dei ban kynjoh pyrshah ia ka Ireland ha ka rynsan iakhun group  bad ruh  ha ka jingiakhun bad ka Australia ha ka semifinal.

Hynrei ki lai jingbym shym la shah rem ki jong ka kiba lah khur kata da ka jinglah ban kamai da 31  khlem shah pynliem ha ka Pakistan, ki  44 ron khlem shah rem ha ka West Indies  bad ki 47 ron khlem shah rem ha ka England ki pynlong ia ka ia ka jingpynkutnoh ia ka jngiakhun ha ka lympung da ki 136 ron.

 Ka khubor ka iathuh ruh ba saw ngut ki nongialehkai na Australia, kiba lah rah ia ka thong jingjop na ka bynta jingnang iai pyniar shuh shuh ia ka rekod jingjop ka kynhun sha ka sien kaba hynriew, ki paw ha ka kynhun ialehkai 1st XI bad kita ki long ka Alyssa Healy kaba lah kamai ia ki 189 ron ha ka 47.25, ka Ashleigh Gardner kaba lah kamai 110 ron ha ka 36.66, ka Darcie Brown da ki hynniew wiket ha ka 15.00 bad ka Megan Schutt da ki 10 wiket ba ka lah khur ha ka 12.50.

Ka ‘Most Valuable Team’ jong ka Women’s T20 World Cup katkuma ka kyrdan jong ki nongtied kiba lah khur ia ki kyrdan bapher bapher naduh kaba nyngkong ki long:

Tazmin Brits (South Africa) 186  ron ha ka 37.20; Alyssa Healy (wk) (Australia) 189 ron  ha ka 47.25; Laura Wolvaardt (South Africa) 230 ron  ha ka 46.00; Nat Sciver-Brunt (C) (England) 216 ron ha ka 72.00; Ashleigh Gardner (Australia) 110 ron ha ka 36.66; Richa Ghosh (India) 136 ron ha ka 68.00; Sophie Ecclestone (England) 11 wiket ha ka 7.54; Karishma Ramharack (West Indies) 5 wiket ha ka 10.00; Shabnim Ismail (South Africa) 8 wiket ha ka 16.12; Darcie Brown (Australia) 7 wiket ha ka 15.00; Megan Schutt (Australia) 10 wiket ha ka 12.50;

12th Player: Orla Prendergast (Ireland) 109 ron ha ka 27.25  bad da 3 wiket ha ka 26.00.