Sao Paulo, Lber:
Ka ri Argentina kaba long ka shlem ba khlainbor tam eh ha kaba iadei bad ka kam ialehkai Basketball, ka dap da ka jingkyndit kaba khraw bad ka jingbym poi pyrkhat satia ba kan duh noh ia ka jaka sha ka lympung ialehkai mynta u snem ka FIBA World Cup bad ka long ruh ka sien kaba nyngkongeh naduh u snem 1982; hadien ba katei ka kynhun ka lah mad ia ka jingshah pynrem noh da 79-75 ha ka kynhun iakhun pyrshah ka Dominican Republic.
Ka Dominican Republic ka lah rah ia ka jingjop watla ka lah behthong da 17 dor-thong 12 minit na kaba kut ha ka jingiakhun jong ki ha Mar del Plata. Shuh shuh ruh ka Argentina, kaba la lah ban khot ia ki khlur ialehkai kiba pawnam ha ka pyrthei na ka European Leagues kaba kynthup ia u nongialehkai ka Real Madrid u Gabriel Deck, ka long ka kynhun kaba lah wan ha ka kyrdan ba saw ha ka group jong ka kata hadien ka Dominicans, Canada bad Venezuela.
Ka long ruh ka jinglehrain kaba khraw ia katei ka ri kaba lah pyndep ha ka kyrdan ba-ar hadien ka Spain ha ka World Cup ba lah dep long saw snem mynshuwa bad kaba lah shah jied ruh na ka bynta ki khyndai bynta ba lah dep long jong ka lympung.
Kumba ka paw mynta ka long ba ka Belgium bad ka Serbia ki iakhun na ka bynta ka jak aba 32 bad ka jingshah jied bad ioh jaka khatduh ha ka lympung.
Kumta ruh ka jingiakhun phainal kan long ha Philippines, Japan bad Indonesia naduh ka 25 tarik u Nailar haduh ka 10 tarik u Nailur 2023. Katba ka Philippines bad Japan ki long kiba lah shah jied lypa kum ki ri pynlong ia ka lympung, hynrei ka Indonesia kan shong sharud ha ka phainal namar kam shym la lah ban shah jied na ka bynta ban kynjoh ia ki kyndon jong ka FIBA na ka bynta ban rung sha ka quarter-finals jong ka Asian Cup.
Ki ri kiba lah shah jied na ka bynta ka tei ka lympung ban long ki kynthup:
Africa: Cape Verde, Ivory Coast, Angola, South Sudan, Egypt
Asia: Philippines*, Japan*, Iran, New Zealand, Australia, Lebanon, Jordan, China
Americas: USA, Canada, Brazil, Puerto Rico, Mexico, Dominican Republic, Venezuela
Europe: Finland, Lithuania, Germany, Greece, Slovenia, France, Lithuania, Spain, Italy, Georgia, Montenegro.
