London, Lber:
Jingiaid lynti sha ka ‘Road to UFC’ kan sa wanphai biang mynta na ka bynta ka aiom ialehkai kaba ar ha u bnai Jymmang; ha kaba ka Ultimate Fighting Championship (UFC) kan wanrah mynta sa ia kawei pat ka lad ka lynti na ka bynta ki MMA kiba na ka dewbah-Asia ba kin ioh khur ia ka jingiateh kontrak ka jong ki bad ka kynhun pyniaid baroh kawei.
Shuh shuh ruh na ka liang jong ka UFC ka pynbna ruh ba ka kylla iakhun kaba sdang jong ka aiom ba 2 ka ‘Road to UFC’ kan sa long ha ka 27 bad 28 tarik u Jymmang; ha kaba kata ka lympung ialehkai kan iai pynsah ia ki saw kyrdan jingkhia jong ki nongialehkai na ka bynta ba lah dep pynlong jong ka lympung; kata ka Men’s Flyweight, Bantamweight, Featherweight bad Lightweight. Ha ka lympung ialehkai ba lah dep long la sakhi ia ka jingshimbynta jong ki 32 ngut ki nongia aireng na baroh shi lynter jong ki kyrdan kiba iakhun ha ki lai kylla na ka bynta ban ioh kamai ia ka jingiateh kontrak ha ka UFC.
Kumta ruh u rangialehkai ka ri u Anshul Jubli, Jeong Yeong Lee na South Korea, Rinya Nakamura na Japan bad u Hyun Sung Park na South Korea ki paw mynta kum ki nongjop bahakhmat eh.
Ka UFC ka pynthikna khubor ruh ia ki lai ngut ki finalists kata u Jeka Saragih na Indonesia, Toshiomi Kazama na Japan, bad u Zhang Mingyang ki long kiba lah iasoi kontrak na ka aiom ialehkai ba nyngkong.
Ka UFC ka iathuh ruh ba ka khmih lynti mynta ia ki nongialehkai bun tylli shuh shuh ki ri kiba hap hapoh ka dewbah-Asia kata ki ri kiba long shakhmat na ka ri China, Korea, Japan, Philippines, Thailand, Indonesia bad India kiba long ki ri kiba lah ioh ban shimbynta ha ka aiom ialehkai ba nyngkong.
