Shillong, Lber 08:
Ka Meghalaya Police (MLP) ka la khur ïa ka jingjop ha ka lympung ïalehkai Super Division Shillong Cricket League 2022-23, hadien ba ka la lah ban pynliem noh ïa ka Langsning XI CC da 4 wiket ha ka sngi Balang ha madan Polo.
Ha kane ka jingïakhun, ka Langsning XI ka la kam trai ban tied nyngkong ha kaba ka la kamai 220 run bad shah pynkhyllem 5 wiket ha ki 40 over. U Silvestar Mylliempdah u la ïoh ban khyrwit ïa ka shiteng spah da kaba ïoh 81 run na ki 83 bol bad u Bamanbha Shangpliang u la tied 42 run na ki 77 bol. Katba u Kumar Sewa u la khur 2 wiket bad 1 wiket la khur da u Thangkan na ka bynta ka MLP.
Haba wan shimti ïa ka pali ba ar, ka MLP ka la kynjoh sha ka thong da kaba kamai 223 run bad shah pynkhyllem 6 wiket ha ki 39.2 over. U Wallambok Nongkhlaw u la khyrwit 96 run na ki 102 bol bad u Kumar Sewa u la tied 31 run na ki 31 bol. Katba u Ronnie Nongrum u la khur 2 wiket bad 1 wiket la khur da u Eeeshant Kumar Chettri. Ïa ka nam ‘Man of the Match’ la khur da u Wallambok Nongkhlaw na ka MLP.
