Shillong, Lber 09:
Ka tnat ïalehkai jong ka Sorkar Jylla kan pynkup burom ïa ka kynhun ïalehkai ka Jylla kaba la wan ba-ar ha ka 76th National Football Championship na ka bynta ka Hero Santosh Trophy 2022-23, kaba la kut dangshen ha Riyadh, Soudi Arabia.
Kane ka jingpynkup burom kan long ha ka sngi Thohdieng ha Madan Ïewrynghep kaba ha Laitumkhrah ha kaba yn ïadon lang u Myntri ba dei khmih ïa ka tnat ïalehkai u Bah Shakliar Warjri kum u kongsan.
Kham hashwa kane ka tnat kan pynlong ïa ka ‘Open Truck Road Show’ ka ban sdang ha ka por 2:30 noh phai sngi na Madan Heh Mawlai Phudmuri – Jaïaw Jingthangbriew – Jaïaw St. Joseph – Jaïaw Langsning – Jaïaw Pdeng – Mawkhar Main Road – Motphran – Police Bazar – AG Office – Additional Secretariat – Barik – Malki Point – Dhanketi – Don Bosco Square – Laitumkhrah Beat House bad ban pynkut ha Madan Ïewrynghep.
