Shillong, Lber 10:
Ka Shillong Sports Association (SSA) kan sdang noh ïa ka lympung ïalehkai phutbol ki heprit ïa kaba la tip kum ka U-14 Boys Football League ha ka sngi Saitjaiñ ha madan Third Ground, Polo.
Kane ka lympung kan sdang ha ka por 10:30 mynstep ha kaba ka Sumit Academy kan ïakhun pyrshah ïa ka Madanryting SC bad ha ka por 11:45 ka Mylliem Grassroot kan ïakynduh pyrshah ïa ka Kick Start Football Academy.
Ha kane ka lympung ki la don 19 tylli ki kynhun ki ban ïashim bynta ha kaba la phiah ha ki saw tylli ki group kiba don mar san tylli ki kynhun bad kawei pat kaba don tang saw tylli ki kynhun.
Ki kynhun kiba don ha ka Group-A ki long ka Sumit Academy, Madanryting SC, Sohryngkham SC bad ka Nangkiew Irat SC. Group-B ki long ka Mylliem Grassroot, Kick Start Football Academy, Mawlai SC, Umphyrnai SC bad ka Laitkroh SC. Ha ka Group-C ki kynthup ïa ka Kynton U Mon, Challenger Football Academy, Mawreng SC, Pay For Right Football Academy bad ka 4th Mile Kick Start Football Academy. Katba ha ka Group-D ki long ka Mawkriah SC, Them Rangshken ACC, Mawpat SC, Rangdajied United FC bad ka Mylliem SC.
