Shillong, Lber 12:
Ka Madanryting Sports Club bad ka Kick Start FT Academy ki la khur ïa ka jingjop ha ka jing-ïalehkai jong ka lympung SSA Under-14 (Boys) Football League 2023 kaba la long ha ka sngi Saitjaiñ ha madan Polo.
Haba phai sha ka jingïalehkai ba nyngkong kaba la long ha ka por 10.30 mynstep, ka Madanryting SC ka la lah ban pynliem noh ïa ka Sumit Academy da 5-0 kol. Ïa ki kol jong ka Madanryting SC la ïoh ban thep da u Jefferson Kharmawphlang ha ka minit ba 18, u Medonbor-lang Mawrie ha ka minit ba 20, u Kitboklang Mawrie ha ka minit ba 24 bad u Wanlamkupar Khar -sahnoh ha ka minit ba 37 bad 53.
Haba phai pat sha ka jingïalehkai ba ar kaba la long ha ka por 11:45 mynstep, ka Kick Start FT Academy ka la pynliem noh ïa ka Mylliem Grass Root da 4-1 kol.
Ïa ki kol jong ka Kick Start FT Academy la ïoh ban thep da u Iaisynrop-lang Syiemlieh ha ka minit ba 23, u John W Nongsiej ha ka minit ba 31, u Aitenjoy Nongkhlaw ha ka minit ba 42 bad u Wanbhalang Kharmaw-long ha ka minit ba 60. Katba ïa ka shi kol jong ka Mylliem Grass Root la thep da u John Janai Khardewsaw ha ka minit ba 55.
