C. B. Iawphniaw
Kane ka long ka jingiohi haba bishar ia ka rukom ai jait khein jait kaba noh shiliang kaba shu shim tang na ka kmie ha ri Khasi jongngi kan sa kylla ha kawei ka sngi. Balei, namar katkum ka jingngeit ki mynbarim ka ai jait sha u kpa ne shynrang kan sa jop ha kaba khadduh. Namar wat ha ka jingngeit Khristan ruh u Blei u la thaw nyngkong eh ia u shynrang bad hadien ia ka kynthei. Te da lei lei ka kynthei kam lah ban long halor u rangbah lano lano ruh. Ka dei ka hok ia u rangbah ban bat ia ka jait ka khong.
Namar kane ka ai jait sha ka kmie ka dang mih hadien ba la wanrah ia ka Sixth Schedule ka ai kyrpang ban iada ia ki riewlum rit paid. Hynrei shuwa ia kane ki tymmen kiba la khlad noh ki iathuh ba ym ju don ba kylli phi ai jait ha u kpa ne ha ka kmie. Ki ia ai jait katba ki sngew bit ban ai.Kumta ka sa don kane ka jing-ai jait kpa katba ki sngew bit ban ai.
Kumta ka sa don kane ka jingai jait kpa naduh mynshuwa.Dei ynda la ioh ia ka District Council ka sa don ka jingthew ia ka ain ba ia ka jait ka khong yn ai noh ha ka kmie ym ha u kpa. Kane ka rukom ka long ruh ka jingleh shiliang ia ki khun shynrang ka Bri u Hynñiewtrep ban ym shah ne ban shim ia ka jait u kpa. Dei hadien ba la thaw ia ka District Council. Lada ka long ha kane ka rukom ka bha ban pynduh noh ia ka District Council ruh. Namar kam lah ban pynioh ia ka hok ia baroh khlem ka jingleh shiliang la ia u shynrang ne kynthei kumjuh. Namar ban ai jait Khasi ia ki khun na ki kpa bym dei Khasi ka long sang ha ka jaitbynriew ka Bri u Hynniewtrep, katba ia u symbai Khasi paka la kyntait bym ai lad ban shim ia ka jait kum ka dustur ka riti ka jaitbynriew. Kane ka dei ka jing-leh bym khein briew ia ki rangbah ka jaitbynriew Khasi -Pnar.
