Shillong, Jylliew 06:
Ka Shillong Sports Association kan sdang ïa ka lympung ïalehkai U-20 Fourth Division 2023 naduh 3 tarik u Naitung ha madan Polo.
Ki kynhun ki ban ïashim bynta ha kane ka lympung kin hap ban siew ïa ka bai rung kaba T. 500 shwa ka 24 tarik mynta u bnai. Ki kynhun kiba lah ban ïashim bynta kin dei kiba la dep siew ïa ka ‘renewal affiliation’ na ka bynta u snem 2023.
Ki khusnam ha kane ka lympung kin long kumjuh kumba long ha u snem ba la dep kata T. 30,000 na ka bynta ka kynhun ka ban khur ïa ka nam lahduh bad T.15,000 ïa kaba wan ba-ar.
Kum ban shu pynkynmaw, ka Tynring ka la khur ïa ka nam lahduh hadien ba ka lah ban pynliem noh ïa ka Pay For Right Football Academy lyngba ka tie-breaker ha ka final.
