Washington, Jylliew:
Ki bor pyniaid ka United States ha ka Sngi Nyngkong ki la pyntip ba uwei u nongsyntiat jong ka tnat FBI ba la tip kyrteng kum u Robert Hanssen la shem ia ka metïap jong u na ka patok ba la set ia u.
U Hanssen, u la don 79 snem ka rta bad u la shah kem ha u snem 2002, ha kaba u la shah rai set patok shi jingim namar ka jingleit syntiat bad buddien ia ka Soviet Union bad hadien pat ia ka Russia kumba 20 snem eiei.
Ki nongap patok ki la iathuh ba watla ki la pyrshang ban iarap pyllait im ia u ha katei ka sngi hadien ba la shem ia u ba u la thiah ha madan, hynrei kim shym lah leh eiei shuh namar u la khlad noh shuwa ban ioh ia ki jingsumar.
U Hanssen u la pyniasoh bad ka FBI ha u snem 1976 bad u la sdang ban phah jingtip sha ka Soviet Union ha u snem 1985.
La rai set patok ia u ha ryngkat ki nong-ap pahara ha ka jaka kaba la pyrkhing bad pahara bha sbak hapoh Colorado.
