Washington, Nailur:
Ha kane ka jingpynbna ba thymmai, la ong ba ka US kan nym shim khajna ‘ad valorem’ shuh ïa ki katto- katne ki dawai ba kyrpang bad ki jingbam ba iadei bad ki ba la pyndonkam na ka bynta ban sumar ïa ki jingpang ba rit ba la wanrah na India bad 19 tylli kiwei pat ki ri.
Ka khajna ‘ad valorem’ ka dei ka dor ba la buh na ka dor pisa jong ki mar ban siew khajna, katkum ka jingong jong ka seng khajna jong ka pyrthei.
Ka US Commerce Department ka la pynmih ïa ka thup jong ki ri ha ka Federal Register namar ba ka dang pynkhreh ban buh khajna 100% ïa ki katto katne ki dawai kiba la ioh patent bad ki jingbam ba iadei bad ki naduh ka 29 tarik u Nailur.
Ha ka 2 tarik u Risaw, u President Donald Trump u la pynmih ïa ka jingpynbna ban buh khajna ïa ki dawai kiba la ïoh patent, ki dawai ba im, bad ki tiar kiba ïadei bad kane sha US kum shi bynta ban pynshlur ïa ka jingpynmih hapoh ka ri.
Ki mar kiba lah ban ioh na ka bynta ka dor zero percent ki kynthup ïa baroh ki dawai kiba la buh kyrpang na ka bynta ki jingpang kiba duna, ki jingsumar ïa ka jingbym lah ban kha khun, ki jingsumar da ki cell, ki jingsumar da ki gene, ki dawai pyniap khniang (ADCs), bad ki dawai mrad. Ki bynta jong kine ki dawai ruh ki hap ha ka dor ba ‘zero percent’.
Nalor ka India, kiwei pat ki ri kiba don ha ka kyrdan zero tariff rate ki long ka Argentina, Bangladesh, Cambodia, Ecuador, El Salvador, European Union, Guatemala, Indonesia, Japan, Jordan, Malaysia, North Macedonia, South Korea, Switzerland, Liechtenstein, Taiwan, Thailand, Britain bad Vietnam.
Ka jingpynbna ka la ong ba ki mar kiba biang na kine ki jaka bishar ki lah ban ïoh ïa ka dor zero percent namar ba ki don ïa ka jingïateh kular khaii pateng bad jingïada kaba mynta ne kaban sa wan bad ka US.
Ki jingpyllait ki long shi bynta ban pyntreikam ïa ka jingpynbna jong u Trump ha u bnai Risaw kaba pynbeit ïa ka jingwanrah ïa ki dawai bad ki tiar shna dawai nabar ri katkum ka kyndon 232 jong ka aiñ pynroi ïa ka khaii pateng.
Ka jingpynbna ka la buh dor 100% ïa ki dawai bad ki jingbam ba la buh kyrpang.
