Srinagar, Jylliew:
Ar sngi hashwa ban sdang ka Amarnath Yatra, kaba ju long manla u snem, ka la don ka jingkhmih bad jurip bniah ha ka sngi Balang naduh Jammu shaduh Banihal na ka bynta ban pyntikna halor ka jingdon jingshngaiñ bad ha kaba ïadei bad kiwei pat ki jingdonkam khnang ban pyntikna ha ka ban pynïoh ki jingïada bad jingshngaiñ na ka bynta ki nongleit ïaid riewblei.
Kum u nongïalam ïa ka kynhun jong ki pulit pahara ha ki kali, u Additional Director General of Police u Mukesh Singh, u la don hapdeng ka jingsynran jong kiba bun ki heh pulit, ha ka por ba la pynlong ïa ka jingleit jurip ha shi lynter ka surok bah Jammu-Srinagar.
Ki heh sorkar bad ki heh pulit kiba dei ban peit ïa ka Jammu Division ki la khmih bniah ïa ki jingbuh ryntih bad kiwei pat ki rukom pyntreikam ha Jammu, Udhampur, bad Ramban distri na ka bynta ka jingdon jong ka jingïaid riewblei. Ka jingïaid riewblei kaba 62 sngi sha ka krem kyntang kaba don ha South Kashmir Himalaya kan sa sdang ha ka 1 tarik Naitung bad kan kut ha ka 31 tarik, Nailar.
