Sydney, Jylliew:
Ka Australia ha ka Sngi Thohdieng ka la iathuh ba kan pynkut noh shwa ia ka jing pyntreikam ia ki kor satellite jongka ha kane ka por, naka bynta ban pynbha biang ia kitei ki tiar bad kane ka long ruh ha kum kane ka por ba ka ioh ka kot jong katei ka ri ka la hiar bha.
Ia katei ka projek National Space Mission for Earth Observation kaba shong dor haduh Aus$1.2 Billion lane US$770 Million la wanrah ha u snem ba la leit bad ka long ruh kum shi bynta ban pynbit- pynbiang ia ka tnat haw-haw jong ka Australia.
Katei ka projek ka long ban pyntreikam ia ki 4 tylli ki satellite kiba la thmu ban leit buh hapdeng jong ki snem 2028 haduh u snem 2033 naka bynta ban wad jingtip bad peit bniah ia ka jinglong- jingman ha ka pyrthei.
Kitei ki satellite kin iarap ban ai jingtip sha ki tnat ba dei khmih halor ka jinglong- jingman jong ka suiñ bneng, ka jingma na ki bor ka mariang bad kumjuh ruh haba iadei bad kiwei kiwei ki bynta kiba lah ban iarap bad pynneh ia ka mariang.
