Strasbourg, Naitung:
Ha kane ka khubor la ong ba kawei ka liengsuiñ ka la leit hap bakla ha ka thaiñ East jong ka Haut-Rhin hapoh France. Ha kane ka jingjia 2 ngut ki briew ki la duh noh la ka jingim ha ka Sngi Balang.
Katei ka liengsuiñ kam shym la lah shuh ban iaid ha ka lynti ba ka dei ban iaid kumba ka mih na Karlsruhe jong ka Germany bad kaba la pynlong ia ki bor pahara bad ki tnat ba dei khmih ba kin leit ban wad ia katei ka liengsuiñ kaba la leit her bad hap sha ka jaka bym lah ban iohi.
Ki bor pyniaid ka France ki iathuh ba la lap ia ka met jong kitei ki 2 ngut kiba shong ha katei ka liengsuiñ bad baroh 2 ngut ki la khlad noh naduh ka por shwa ba ki bor pahara bad ki tnat iarap kin leit shem ia ki ha katei ka jaka ba hap ka liengsuiñ.
Ia kaba mynta, ki bor pyniaid ka France ki dang phah ban wad bniah ia ka daw jong katei ka jingthud ka liengsuiñ ha katei ka jingjia. Kane kan hap ban iaid lyngba ia ka jingtohkit naduh ki tnat ba dei khmih jong katei ka liengsuiñ.
