Monterrey, Naitung:
Ki bor pyniaid ka Mexico ha ka Sngi Balang ki la iathuh ba 6 ngut ki briew kiba kynthup ia 2 ngut ki kynthei, ki la shah siat iap hapoh ka thaiñ Monterrey jong ka Mexico kaba long ka thaiñ kaba kynrei bha ia ki kam runar bad ka jingjur ki kam khaïi drok.
Ia ka met jong kitei kiba khlad baroh la shem na ka jaka sah briew ha katei ka nongbah. La ong ruh ba bun na kitei ki don ia ki dak mong ha ki bynta jong ka kti.
Katei ka jingjia ka long hadien ba ki paidbah nongshong shnong ki la pyntip sha ki bor pyniaid halor ka jingioh sngew ia ka jingriew ki ktang suloi ha ka miet ba la lah.
Ka Monterrey, ka don kumba 160 kilometre lane 100 mile na khappud jong ka Mexico bad ka United States.
Ka Mexico ka la sakhi palat ia ka 3,50,000 tylli ki jingjia pyniap, ha kaba kham bun ki dei ki jingjia thombor da ki kynhun runar bad kane ka long ruh wat hadien ka jingwanrah ia ka tnat shipai ka ban iakhun pyrshah ia ki kam khaïi droks hapoh ka ri naduh u snem 2006.
Ha ka Lah Sngi U Blei, u heh ka tnat iada jong ka thaiñ Northeast ka Tamaulipas, u Hector Joel Villegas, u la lait-im na ka jingshah thmu pyniap ha ki kynhun runar bym don jingithuh.
Kumta, ha ka Sngi Ba-ar, u la hap ban leit trei- leit ktah kumba ju dei ia u hynrei u iaid ryngkat bad ki lad jingiada kiba kham kyrpang namar ka jingma kaba ap ia ka jingim jong u hadien katei ka jingjia.
