Syria, Nailar:
Ki bor pyniaid ka Syria ki la pyntip ba 4 ngut ki shipai jong ka ki la khlad na ka jingther ‘namding jong ka Israel, da kaba thmu ban thombor ia ka nongbah Damascus jong ka Syria ha ka step Sngi Nyngkong. Ha katei ka step, ki don sa 4 ngut pat kiba ngat bad mynsaw bad kumjuh ruh katei ka jingbthei ka la pynjur lor ia ia ki jingdon bad jingtei kiba don ha katei ka jaka.
Kane ka la jia ha ka por kumba 2:20 jong ka step Lah Sngi U Blei, ha kaba ki shipai ka Israel ki la ther ‘namding sha ki bynta jong ka Golan Heights kiba hap hapoh u pud- u sam jong ka Syria.
Watla katta, la ong ba ki tiar iada jong ka Syria ki la ioh ban tehlakam bad ban siat pynbthei noh ia bun tylli kiwei pat ki ‘namding kiba la leit poi sha u pud u sam jong ka ri ha katei ka step.
Katkum ki khubor, la ong ba ka Israel mynta la kumba katto- katne snem ka la ther ‘namding na ka por- sha ka por bad kane ka la sdang naduh ki por ba ka Iran ka la bud ia ka jigialam u Bashar al-Assad ha ka thma kaba la khie ha u snem 2011 ha kaba ka Israel ruh la ka buh shun lang ia ka Syria bad ong ba ka Syria ka iadon bynta lang ha ki kam thombor jong ka Iran.
