Shillong, Nailar 18
Ka Newcastle kan sdang ïa ka jingiakhun kaba nyngkong pyrshah ïa ka lahduh jong ka Premier League ka Manchester City, katba u rangïalehkai shapdeng ka Chelsea u Moises Caicedo uba la ïoh ka jingsiew kaba £115 million ($146 million) un ïalehkai nyngkong ha West Ham.
Ka Tottenham ka la khmih lynti ban ïalehkai bha pyrshah ïa ka Manchester United ha ka sngi Saitjaiñ ha la iing naduh ka jingmih noh u Harry Kane.
Hadien ba ka ïoh rung sha ka Champions League ha ka sien kaba nyngkong ha ki 20 snem, ka la don jingartatien ïa katei ka kynhun u Eddie Howe kumno ban pynïaryngkat ha katei ka lympung bad ruh ïa ka lympung ïalehkai ha Europel. Hynrei ka lah ban ïakynduh jingeh ban ïakhun pyrshah ïa ka City ha kum kane ka por ki biang eh.
Na ka liang u Pep Guardiola um lah khlem da ai khublei hapoh ïa ka rukom pynbeit ïa ka Premier League ban ïakhun biang haden lai sngi hadien ba kane ka lahduh jong ka UEFA Super Cup ka la jop ïa ka Sevilla ha Athens.
Te kumta ha kane ka jingïakhun, ka City kan mih madan khlem u Kevin De Bruyne, katba u Bernardo Silva, Ruben Dias bad u John Stones ki la don hapdeng ka jngartatien ban ïalehkai ha ka nongbah Greek.
Kumba ka paw ka Newcastle kam pat ju jop ia ka City ha ka Premier League ha ki 23 snem. Hynrei ban khur ia ka jingjop ha ka step jong ka lah sngi U Blei kan long ka jingpynkulmar jingmut ïa ka City.
Kumba ka paw ka Tottenham ka la sdang ïa kane ka aïom da ka jingïakhaid mar 2-2 kol pyrshah ïa ka Brentford.
Ka jingjop kan pynlong ïa ka Spurs ban wanphai ïing rynkgat ka jingjop kaba nyngkong ha kane ka aïom. Na ka liang ki paidbah kim shym ki la pynpaw ïa ka jingpyrshah halor ka jingmih noh u Kane uba la leit ïalehkai ha ka klob jong ka lympung Bundesliga, ka Bayern Munich.
Ha kawei pat ka liang ka liang ka United ka la sdang da ka jingjop kaba nyngkong da 1-0 kol pyrshah ia ka Wolves.
Te kumta ka Tottenham ka la khmiih lynti ban khur jingjop ha kane ka jingleit ïakhun ha Old Trafford naaduh ba ka la lah ban ïalehkai bha ha u 2005 hadien ba u rangapkol ka United u Andre Onana u la khanglad na ka jingpyrshah u Sasa Kalajdzic.
Ka United kan ialehkai biang khlem u rangïalehkai shakhmat ba dangthymmai u Rasmus Hojlund na ka daw ka jingmynsaw bad ka kynhun u Erik ten Hag kan ïakynduh jingeh halor u rangïalehkai ba dangthymmai u Mason Mount lem bad u Bruno Fernandes ha ka bynta kaba shapdeng
