Shillong, Nailar 27
Ka kynhun nongjngi ka jylla hapoh ka synjuk jong ka Meghalaya Swimming Association (MSA) ki la lah ban wanrah nam bad burom ïa ka jylla hadien ba ïoh khur haduh 18 tylli ki takma ha ka jingleit ban ïashim bynta ha ka ïakob jngi ba la tip kum ka ka 3rd Himalayan Swimming Meet kaba la long ha Sikkim.
Kane ka jingïakob jngi kaba tang shi sngi ka dei kaba la long ha ka 26 tarik mynta u bnai ha ka pung jngi jong ka Tachi Namgyal Academy.
Napdeng kine ki 18 tylli ki takma ba la ïoh ban khur ha katei ka jingïakop, 2 tylli ki dei ki takma ksiar, 3 tylli ki takma rupa bad 13 tylli ki takma rnong.
Ha kane ka jingïakop, u nam tam napdeng ki khynnah jngi ka MSA u dei u Banpynshngain Syngwan uba la lah ban khur ïa ka takma ksiar ha ka ïakop jngi kaba 50 meter Free Style Men bad ruh ban rah ïa ka nam Fastest Swimmer jong kane ka jingïakop.
Ki nongjop ha katei ka jingïakop ki long ha ka 100mtrs FreeStyle Women, ka Sumarbiang Mawlong ka la ïoh takma rnong, takma ksiar ha ka 100mtrs Free-Style Men u Banpynshn-gain Syngwan, bad u Khrawkupar Lyngdoh takma rnong.
Ha ka 50mtr Butterfly, Sub Junior boys, u Meiei-pynshan Lyngdoh Tron u la khur takma rnong, ha ka 50mtrs Butterfly, Men, u Khrawkupar Lyngdoh u la khur takma rnong bad u Banpynshngain Syngwan u la khur takma rupa. Ha ka 50mtrs BreastStroke, Subjunior – u Meiaipynshan Lyngdoh Tron u la khur takma rnong.
Ha ka 50mtrs Breast Stroke, Women ka Sumarbiang Mawlong ka la khur takma rupa, ha ka 50mtrs BreastStroke, Junior Boys, u Cleric Wanniang u la khur takma rnong, ha ka 50mtrs BackStroke Men u Fulljunesing Marngar u la khur takma rnong. Ha ka 50mtrs Freestyle, Subjunior boys u Meiaipynshan Lyngdoh Tron u la khur takma rnong.
Ha ka 50mtrs FreeStyle, Subjunior girls ka Utymy Syngwan ka la khur takma rnong, ha ka 50mtrs FreeStyle women ka Sumarbiang Mawlong ka la khur takma rnong, ha ka 50mtrs FreeStyle Men, u Banpynshngain Syngwan u la khur takma ksiar bad u Khrawkupar Lyngdoh u la khur takma rnong bad ha ka 50mtrs FreeStyle Junior boys u Mebankitboklang Banai u la khur takma rnong.
Ha ka jingïakop Relay, ki kynthei ka MSA ki la khur takma rnong bad ki shynrang pat ki la khur takma rupa.
