Jowai, Nailar 28
Ka Nangbah Dukhu bad ka Khliehmynkrem ki la khur jingjop ha ka lympung ïalehkai 2nd Division Football Tournament na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association (WJDSA) ha madan Kiang Nangbah Stadium Ladthadlaboh, Jowai.
Kane ka la wan hadien ba ka Nangbah Dukhu ka la lah ban pynliem noh ïa ka Caroline Colony da 2-0 kol bad ka Khliehmynkrem ka la pynliem ïa ka Maitshaphrang Mowtyrshiah da 3-1 kol ha ka lah sngi U Blei.
Ha ka jingïakhun kaba nyngkong ka Nangbah Dukhu ka la pynliem ïa ka Caroline Colony da 2-0 kol bad ïa kine ki kol la thep da u Shanlang Thubru ha ka minit kaba 58 & 70.
Haka jingïakhun kaba bud, ka Khliehmynkrem ka la pynliem ïa ka Maitshaphrang Mowtyrshiah da 3-1 kol. Ïa ki kol jong ka Khliehmynkrem la thep da u Marle Khlem haka minit kaba 3 &18 bad u E. Mynthlu ha ka minit kaba 65. Katba ka shikol jong ka Maitshaphrang Mowtyrshiah la thep da u Pynsakhiat Dkhar haka minit kaba 42.
