Imphal, Nailar:
Ki la don kumba lai ngut ki nongshong shnong jong ka Myanmar kiba la shahkem ha ki shipai Assam Rifles ha Manipur ha ryngkat 399 tylli ki pla ba la thep ïa u Supari na Burma uba la kot sha ka T. 4.84 klur ha ka ïew bar ri. Lai tylli ki trok ïa kiba la pyndonkam ban kit bad khaïi ïa kine ki mar ki la shah kurup noh.
Ki 209 tylli ki pla kiba don ïa u kwai Supari uba la kot sha ka T. 2.50 klur ha ryngkat lai tylli ki kali jong ki nong Myanmar la aiti sha ka tnat ba dei khmih ïa ki khlaw ha Manipur kaba don ha Kamjong na ka bynta ban leh ïa kaba donkam, la ong ka jingthoh ba la phah.
Ïa ki 190 tylli kiwei pat ki pla ba don ïa u kwai Supari uba la kot sha ka T. 2.34 klur ha ryngkat lai ngut ki briew kiba la shah kem ïa kiba la tip kyrteng kum u Wynwyn, Thuntun & Aungshun la aiti sha ka tnat ba dei khmih ïa ki khlaw ha Kamjong na ka bynta ban leh ïa kaba donkam, la bynrap ka jingthoh.
