Shillong, Nailar 29
Ka Seng Khasi College, St. Edmund’s College bad ka Shillong College ki la long kiwei pat ki kynhun kiba la lah ban pynthikna ban jam sha ka semi final ha ka lympung ïalehkai Inter College Football Men Tournament ba la pynïaid da ka skulbah NEHU.
Ha ka jingïakhun quarter final kaba la long ha ka Sngi Ba-ar ha SAI Training Centre, ka Seng Khasi College ka la pynliem noh ïa ka Kiang Nangbah Govt. College, Jowai da 1-0 kol, kumjuh ka St. Edmund’s College ka la pynliem noh ïa ka Shillong Commerce College lyngba ka tie-breaker da 11-10 kol hadien ba ïakhaid mar 1-1 kol haduh kaba kut ka jingïalehkai bad ka Shillong College ka la jop da 5-3 kol ïa ka Khadsawphra College, Mairang.
Ïa ki jingïakhun semi final yn pynlong ha ka sngi Balang (30 tarik) ha kaba ka Seng Khasi College, Shillong kan ïakhun pyrshah ia ka St. Anthony’s College, Shillong ha ka por 9 baje mynstep, katba ka Shillong College ïa ka St. Edmund’s College ha ka por 11 baje.
