Shillong, Nailar 30
Ka kynhun ki ‘thei ïalehkai phutbol ka Jylla ka long ba la khreh ban ïashim bynta ha ka Hero Sub Junior Girls’ National Football Championship 2023-24 (Tier 1) ka ban long ha Amritsar, Punjab.
Kane ka kynhun hapoh ka jingïalam ka Kong Ïaikyntiew Nongkynrih (Football Coach) kan mih na ka nongbah ha ka sngi Ba-ar. Kane ka kynhun ka la shah pynïakap ha ka Group-C kaba kan ïakhun pyrshah ïa ki kynhun kum ka Gujarat, Assam bad Chhattisgarh.
Te kumta ka Meghalaya kan ïakhun nyngkong ha ka sngi sngi U Blei (3 tarik) pyrshah ïa ka Gujarat, kumjuh ïa ka Assam ha ka 5 tarik bad ïa ka Chhattisgarh ha ka 7 tarik u Nailur.
Kane kan dei ka sien kaba nyngkong ia kane ka kynhun jong ki khynnah ba kin ïoh ban ïashim bynta ha kum kine ki lympung ba la pynïaid da ka All Indian Football Federation (AIFF) hadien ka jingwan lynshop ka khlam Covid-19.
Watla kiba bun na ki khynnah ki dangdei kiba thymmai, hynrei la khmih lynti ba kin ïalehkai bha na ka bynta ban wanrah nam bad burom ïa ka Jylla hi baroh kawei.
Kiwei pat ki kynhun kiba don ha ka Group-A ki long ka Jharkhand, Tamilnadu, Goa bad ka Manipur. Ha ka Group-B ki long ka Arunachal Pradesh, West Bengal, Haryana bad ka Maharashtra. Ha ka Group-D ki long ka Bihar, Uttarakhand, Punjab bad ka Mizoram.
Ki kynhun ki ban wan ha ki kyrdan ba hakhlieh jong kitei ki group kin ïoh rung sha ka semi final ka ban long ha ka 11 tarik bad ïa ka final yn pynlong ha ka 13 tarik u Nailur.
