Shillong, Nailar 31
Ka Shillong College ka la khur ïa ka nam lahduh ha ka lympung ïalehkai Inter College Football Men Tournament ba la pynïaid da ka tnat ïalehkai jong ka skulbah North-Eastern Hill University (NEHU).
Kane ka nam jop ka la wan urlong hadien ba ka la lah ban pynliem noh ïa ka St. Anthony’s College da 3-1 kol ha ka jingïakhun final kaba la long ha ka sngi Palei ha SAI Training Centre.
Ha kane ka lympung ïalehkai kaba la sdang naduh 21 tarik u Nailar, ki la don haduh 32 tylli ki kolej bad skulbah kiba la wan ïashim bynta, kynthup ïa ka NEHU UG & ki samla pule PG jong ka Shillong Campus bad Tura Campus.
Ïa ki khusnam sha kitei ki kynhun la sam da u Registrar jong ka skulbah NEHU u S.R. Joshi kum u kongsan bad u MLA ka Mawlai Consti-tuency u Bah Brightstar-well Marbaniang kum u symbud kongsan ha ryng-kat ka jingïadon lang u Prof. L. Kma, Director In-charge ka Sports Depart-ment NEHU, Prof. K. Debberma, Department jong ka Pol. Science, NEHU, Dr. C. Mukhim, Chief Medical Officer cum In Charge ka Health Center, NEHU bad u Raj Mallick, Deputy Registrar (Exam), NEHU bad u N. Das, Asst. Director (PE & Sports) cum Organising Secretary jong kane ka lympung bad kiwei kiwei.
