Shillong, Nailar 31
Ka Youth Development Cell jong ka Meghalaya Football Assoc-iation (MFA) ka la sei sa ar tylli ki kynhun ïalehkai ki ban leit ïashim bynta ha ka U-16 bad U-14 ka ban pynlong da ka All India Football Federation (AIFF).
Ka kynhun ïalehkai U-16 kan leit ban ïashim bynta ha ka Junior National Football Championship ka ban sdang naduh ka 5 haduh ka 15 tarik u Nailur mynta u snem ha Bhubaneshwar, Odisha.
Katba ka kynhun ïalehkai U-14 kan leit ban ïa aireng sha ka lympung ïalehkai jong ka Sub-Junior National Football Championships ka ban long naduh ka 3 haduh ka 13 tarik Nailur ha Malda, West Bengal.
Ha ka Sub-Junior, ka Megha-laya ka la don ha ka Group- A kaba kynthup lang ïa ka Karnataka, SAI bad ka Uttar Pradesh.
Te kumta ka Meghalaya kan ïakhun nyngkong pyrshah ïa ka SAI ha ka sngi U Blei (3 tarik), kumjuh ïa ka Uttar Pradesh ha ka 5 tarik bad ïa ka Karnataka ha ka 7 tarik.
Ha kaba iadei bad ka Junior National Football Championship na ka bynta ka Dr B.C Roy Trophy 2023-24, ka Meghalaya ka la don ha ka Group-B kaba kynthup lang ïa ka Kerala, West Bengal bad ka Jammu & Kashmir.
Te kumta ka Meghalaya kan sdang ïa ka jingïalehkai ba nyngkong pyrshah ïa ka West Bengal ha ka 6 tarik, kumjuh ïa ka Jammu & Kashmir ha ka 8 tarik bad ïa ka Kerala ha ka 10 tarik.
Ha kane ka kynti kaba mynta ki la wan mih paw ki rangïalehkai kiba na Garo Hills ha kaba ki la don hapoh ka thup jong ka kynhun ïalehkai ka ban leit ïashim bynta ha Odisha.
Ki kyrteng jong ki 20 ngut ki rangïalehkai ki ban mihkhmat ïa ka Jylla ha ka U-16 (Junior) ki long u Medondor Kharbuki, Vin-cent Nirik M. Sangma, Maikhel-son Kharkylliang, Banlamkupar Rynjah, Donkam M. Marak, Mebanlamlynti Masharing, Lawan Lambha Pathaw, Bantiplang Khongnoh, Pynshailang L. Nong -lait, Santishailang Ryntathiang, Samewon Khonglah, Erickson Pamsad, Balajied Syiemlieh, Bipush G. Marak, Jonathan Mawa, Alicestar Thangkhiew, Kangkam G. Momin, Achang Dildora A. Sangma, Andreau L. Lyngdoh bad u Sholinstar Syngkli
Ïa kane ka kynhun yn shimti kum u coach da u Bah Jeffrey Warlarpih, Asst. Coach u Pynkhrehlang Nongkseh bad Manager u Belsius Khyriem.
Haba phai sha ka kynhun ïalehkai U-14 (Sub-Junior) ki kynthup ïa u Akimrag Momin, Baniar Kharsohnoh, Damebantei Kharkongor, Daplangki Kharmu-jai, Hameshwa Siangshai, Ïaisanlang Dohling, Krebinson Mar-weiñ, Mewanpyntngen Lyngkhoi, Nangteiphyrnai Kharumnuid, Prosperwell Ryntong, Roderick Khongjee, Shanbok Basawiaw-moit, Yeomanlyson Shadap, Deiwakordormi Dkhar, Ricky Mawlong, Dasuk Banphrang Diengdoh, Teibor Kharkylliang, Wanmiijuh Pajuh, Medonban-shan Kurkalang bad u Robindor Kyrsian. Ïa kane ka kynhun la shimti kum u coach da u Aibanjop Shadap, Asst. Coach u Dame Kyndiah bad Manager u Cleverson Syiemlieh.
