Shillong, Nailur 01
U Neeraj Chopra uba dei khlur kawang sum ka India bad uba la khur ïa ka takma ksiar ha ka Tokyo Olympics u la wan ha ka kyrdan ba-ar ha ka Zurich Diamond League 2023 hadien ba lah ban kawang 85.71m.
Ha ka jingpyrshang kaba nyngkong, u Neeraj u la pyllait ïa ka bor da kaba kawang ha ka jingjngai kaba 80.79m. Hynrei ha ka sien pyrshang ba ar u la kum bakla bad u Jakub Vadlejch u la ïoh ïa kabu ksiar na ka bynta ban tam kylla da kaba kawang ha ka jingjngai kaba 83.46m.
Ha ka jingpyrshang kaba lai u Neeraj u la bakla biang. Kane ka wat jingïakhun ka la long kaba kham eh ha kaba u Julian Weber u la lah ban tam da kaba u la lah ban kawan ha ka jingjngai kaba 85.04m.
Hadien kaba kut ki lai sien ki jingpyrshang, u Neeraj Chopra u la wan ha ka kyrdan basan bad u la dangdon lad sa tang ar sien ba un pyni ïa ka jingkhlaiñ bor. Ha kane ka jingpyrshang ba u la lah ban kawang ha ka jingjngai kaba 85.22m.
Hynrei dei ha ka jingpyrshang ha ka sien kaba san ba u Neeraj ula lah ban pynpaw ïa ka jingkhlaiñ bor da kaba u la lah ban kawang ha ka jingjngai kaba 85.71m bad duna sa tang 15cm ban kynjoh sha ka kyrdan ba hakhlieh. U Jakub Vadle-jch na Czech Republic u la lah ban bat ïa ka kyrdan ba hakhlieh hadien ba ula la lah ban kawang ha ka jingjngai kaba 85.86m.
U rangïalehkai na Germany u Julien Weber ula wan ha ka kyrdan balai hadien ba u la lah ban kawang ha ka jingjngai kaba 85m+.
Lyngba katei ka kyrdan ba-ar ka la pynlong ia u Neeraj Chopra ban kamai 23 point ha ka Diamond League, katba u Jakub Vadlejch ubala bat ïa ka kyrdan ba hakhlieh, u la kamai 29 point. Ïa ka Diamond League final la buh ban pynlong ha Eugene ha ka 16 haduh 17 tarik mynta u bnai.
