Jowai, Nailur 05
Ka Dongmihsngi ka la khur jingjop, katba ka Lumpariat bad ka Chutwakhu ki la ïakhaid ha ka jingïakhun jong ka lympung ïalehkai 2nd Division Football League na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association (WJDSA).
Kane ka la long ha ka jingïakhun kaba la long ha madan Kiang Nangbah Stadium Ladthadlaboh Jowai haka sngi Ba-ar.
Ka Lumpariat bad ka Chutwaku ki la pynïakhaid ïa ka jingïakhun da mar 1-1 kol. Ïa ka kol jong ka Lumpariat la thep da u Desiderions Pyrtuh ha ka minit kaba 25, katba ka kol jong ka Chutwakhu la thep da u Babiang Khyriem ha ka minit kaba 57.
Ha ka jingïakhun kaba khatduh jong kane ka sngi ka Dongmihsngi ka la pynliem noh ïa ka West Madan Mustem da 5-1 kol. Ïa ki kol jong ka Dongmihsngi la thep da u Betterly Sariang ha ka minit 2 & 34, u Longshisha Syrpuh (42), u Ewanmida O Langstang (73) bad u Vishal Shadong ha ka minit kaba 74. Katba ka shi kol jong ka West Madan Mustem la thep hi da u rangïalehkai ka Dongmihsngi u Longshisha Syrpuh ha ka minit kaba 6.
Ha ka 6 tarik ka jingïakhun kan long hapdeng ka Mooknor Thadmuthlong pyrshah ïa ka Chilliangraij ha ka por 12 baje nohphai sngi.
Katba ha ka lympung ïalehkai (L) Kesilroy Pala Invitation Football Knock Out Tournament, ka jingïakhun kan long hapdeng ka Ladthadlaboh pyrshah ïa ka Mukhla FC haka por 2 baje nohphai sngi.
