Jowai, Nailur 06
Ka Chilliangraij ka la khur ïa ka jingjop ha ka lympung ïalehkai 2nd Division Football League (6th Debo Shullai Memorial Trophy), katba ka Mukhla FC ka la khur jingjop ha ka lympung ïalehkai (L) Kesilroy Pala Invitation Football Knock Out Tournament.
Ïa kine ki lympung la pynïaid da ka West Jaiñtia District Sports Associa-tion (WJDSA) ha madan Kiang Nangbah Stadium Ladthadlaboh, Jowai ha ka sngi Balang.
Ha ka jingïakhun jong ka 2nd Division, ka Chil-liangraij ka la jop ïa ka Mooknor da Thadmu-thlong da 4-1 kol. Ïa ki kol jong ka Chilliangraij la thep da u Hamewan Rngad ha ka minit ba 28, Mayalang Lanong (38), Chanki Ïakai (46) bad u Sajemiki Shylla (64). Katba ka shi kol jong ka Mooknor Thadmuthlong la thep da u Morningstar Lyngdoh (31).
Haba phai sha ka (L) Kesilroy Pala Invitation Football Knock Out Tour-nament, ka Mukhla FC ka la pynliem noh ïa ka Ladthadlaboh SC da 2-1 kol.
Ïa ki kol jong ka Mukhla la thep da u Remark Kharmalki ha ka minit kaba 29 bad u Fullmoon Mukhim (84). Katba ka shi kol jong ka Ladthadlaboh la thep da u Buromlangki Salahe (75).
Ka jingïalehkai ha ka sngi Palei ha ka 2nd Division kan long hapdeng ka Lion SC pyrshah ïa ka NSA ha ka por 12 baje mynsngi, katba ha ka (L) Kesilroy Pala Invita-tion Football Knock Out Tournament kan long hapdeng ka CSA United pyrshah ïa ka Wahiajer FC ha ka por 2 baje janmiet.
