Shillong, Nailur 07
Ka Shillong Lajong FC ka la pynbna ba ka la soi sa uwei u rangïalehkai na Brazil bad uba long uba lai na ki rangïalehkai nabar ri na ka bynta ban pynkhreh ïa ka lympung ïalehkai I-League 2023-24.
U Renan Paulino de Souza u dei u rangïalehkai shapdeng ha kaba u la soi ïa ka soskular hadien ka jingwan ïasoh u rangïalehkai ‘dien u Daniel Goncalves (na Brazil) bad u rangïalehkai shakhmat u Abdou Karim Samb na Senegal.
Kat kum ka kyrwoh na katei ka klob, la ong ba u De Souza ba dang 28 snem ka rta, u la ïalehkai na ki klob kiba na Brazil bad hadien u la leit ïalehkai ar aïom ha Lithuania.
