Panbor B. Lyngdoh
Ki Kong extra ordinary special power Khynriam – Pnar – Bhoi – War bad Lyngngam kiba la jied mon sngewbha ba laitluid (own sweet will choice) bad ki bym dei ki Kpa Khasi. La pynshlur da ki KUR KYNTHEI bapher bapher bad hadien habud sa ka KHADC kiba ïaroh shla shiteng khlieh ïa ka jingai Jait Kmie/kynthei, da kaba byrngem – byrsit kito ki bym ai Jait Kmie kim dei shuh ki Khasi. Mynta ka Jait Kmie/kynthei ka la kharoi sha ka 61/2 lac na ki Kpa bym dei Khasi, na ka 131/2 lac ka jingbun briew (population) Khasei – Khasoi. Ha kaba ïadei bad kane ka mat, ka KHADC mynta ka la maham nangne sha khmat ki dei ban pynduh noh shisyndon mynsngi – mynmiet bad ki Paduh bym dei Khasi, ba nangne sha khmat ki dei ban pynduh noh shisyndon ïa kato ka jingmlien, lymda kumta kin shah sloit na ka jinglong Khasi. Bravo, KHADC. ïa kane ka jingleh meng – hangamei jong ki Jait Kmie /Kynthei, yn nym don ba lah shuh ban pynsangeh namar ka Act Khasi Custom Linage ba la passed da ka KHADC ka pynskhem ïa ka jingleh khlemraiñ – akor jong ki. Phin da ïa wan khnang kylleng ka Pyrthei, phin nym ïalap kumne eh ka jinglong tad – pohdor Khasei – Khasoi. Haduh ba ka WOMEN WORLD ORGANISATION ka la kyndit lyngngoh ïa kane ka jinglong ba laitluid ki Kong eosp. Haba la kylli ïa kito ba leit mihkhmat ïa ka India katto katne ngut na Meghalaya ki shu ïada rapjot.
Hooid, ka jingshongkha khleh Jaktung (inter – marriage) ka don ha kylleng ka Pyrthei, bad kam ïa pyrshah ïa kata, namar katkum ka Aiñ Pyrthei (universal law) ba la buh ryntih shriak ba shisien ba ka Kynthei ka la ïa poikha – poiman badno badno. Ka dei ban leit bud noh ïa u bad kylla wife/Mrs jong u, wat lada u shong sah hapoh shnong jong ka. Ka dei beit ka jong u. Ym dei jong ka (sngewsih sngewlehraiñ hapoh ka imlang – sahlang Khasei – Khasoi, ym ju don wife/mrs (dei beit i Lok/compa-nion), ha kane ka jingpynïaid ba da khongpong la ai lad ïa ki ban wan kit na kylleng ka Pyrthei bad pynkylla Khasi Jait Kmie/kynthei noh.Kane kajuh ka la pynhiardor, taddor bad pohdor naduh ki por ba la sdang ban wan bam lyer ba pyngngad, ka bam bang bam thiang ki Paduh Saheb ha ki snem 1700 shaneng. Te, kumta ka Jait Kmie/kynthei ba donburom ki la kha khun noh ïa kine harum :-
1.Khun Sahep Lyngdoh
2.Khun Chinese Lyngdoh
3.Khun African Lyngdoh
4.Khun Dkhar kylleng jong ka Ri India, Bhutan, Sikkim, Tibetan, Nepal
5.Bad para – Riewlum
-kiba da don shisha ho, ym dei ba nga shu jler, nongpule baieid
-tip ki Kur Kynthei eosp bad ka KHADC ki sngew kumno mo !
-Shaphang kane ka jingjah burom, jinglehraiñ, jingpohdor ?
Te, haba ngi ïa nujor bha ïa ka Dur ka Dar jong kitei haneng kam ïa dei shuh bad ka Jait Kmie/kynthei. Namar barabor haba ngi thung Phan ba mih dei hi u Phan, ym dei u Shriew, ka Pyrthei baroh ka pdiang ïa kane ka jingbuh bastad tam jong U BLEI. Ym dei ki Longshuwa – manshwa Khasei – Khasoi lane ka Jait Kmie/kynthei eosp pat haduh mynta kim treh ban pdiang, hynrei sngewsih ba kim lah satia ban ïaleh pyrshah ïa katei ka jingbuh bastad tam jong U.
Hooid, ka Constitution of India ka ai jingïada ïa ka Sixth Schedule, ym lah ban len, hynrei kam guarantee shaphang ka Jait Kmie, kynthei, namar kylleng ka Ri India ki pyndonkam Jait Kpa, ngim dei ban sngewthuh bakla shaphang kane ho. Kumba baroh shi katta la pynsngewthuh bakla da ki KUR KYNTHEI. Ha ka jingshisha ka Sixth Schedule ka batai shai kdar (crystal clear) ba ngi dei kiba dang Duk tasam, ba dang Biej bad ba dang sah hapoh Iingtrep. Namarkata, ka jingai Jait Kmie/Kynthei kam don bynta ei – ei ruh em bad ka Sixth Schedule. Manga ïalade nga pyndonkam Jait Kmie kumjuh ki khun jong nga, katkum ka jingkwah jong ka Meikha jong ki. Tangba mynta ngam ïa kyrshan shuh, namar ka la hiar pohdor shaba palat liam, namar la pyndonbakla da ka Pyrthei baroh kawei.
“right of choice” existed, true but not to misused it. Oooh, what a pity uniqueness. Ka Jaidbynriew ba kyrpang dei ka ISRAEL Jait Kpa ïa kaba U BLEI U la ri – sumar naduh ki por hyndai – hynthai, haduh mynta. Ym dei Jait Kmie Khasi ho bha la jan jah rngai.
