Shillong, Nailur 08
U rangapkol ka Jylla u Lionel Daryl Rymmei u la don hapoh ka thup kyrteng jong 23 ngut ki rangïalehkai ki ban mihkhmat ia ka ri India ha ka lympung SAFF U-19 Championship ka ban long ha Kathmandu, Nepal naduh 21 haduh 30 tarik mynta u bnai.
Ïa kane la pynbna da u coach katei ka kynhun u Shuvendu Panda ha ka sngi Thohdieng. Kane ka kynhun hynne ka sngi ka la mih ban leit ïalehkai sha Saudi Arabia bad ha ka 19 tarik kin leit sha Kathmandu na ka bynta katei ka lympung.
Ha katei ka lympung ka India ka la don ha ka Group-B kaba kynthup lang ïa ka Bhutan bad ka Bangladesh, katba ka Nepal, Maldives bad ka Pakistan ki la don ha ka Group-A. Ïa kane ka lympung yn pynlong ha Dashrath Stadium kaba ha Kathmandu.
Ki ar tylli ki kynhun ki ban wan ha ki kyrdan ba hakhlieh kin ïoh rung sha ka semi-final.
Kum ban shu pynkynmaw ka India ka la khur ïa ka nam lahduh ha ka SAFF U-20 kaba la long ha u 2022 hadien ba ka la lah ban pynliem noh ïa ka Bangladesh da 5-2 kol ha ka final kaba la long ha Bhubaneswar.
Ki kyrteng ki 23 ngutki rangïalehkai ka ri India
Goalkeeper: Lionel Daryl Rymmei, Divyaj Dhaval Thakkar and Manjot Singh Parmar.
Defender: Thomas Kana-moottil Cherian, Jahangir Ahmad Shagoo, Vijay Marandi, A Siba Prasad, Manabir Basumatary, Surajkumar Singh Ngangbam and Ricky Meetei.
Midfielder: Manglentheng Kipgen, Ishaan Shishodia, Arjun Singh Oinam, Yash Chikro, Ebindas Yesudasan, Raja Harijan and Thumsol Tongsin.
Forward: Gwgwmsar Goyary, Sahil Khurshid, Linky Meitei Chabungbam, Kelvin Singh Taorem, Naoba Meitei and Dinesh Singh Soubam.
