Khliehriat, Nailur 20
Ka lympung ïalehkai 1st Division Football Tourna-ment ba la pynïaid da ka East Jaiñtia Hills District Football Association (EJHDFA) ka la sdang ha ka sngi Balang ha madan ïalehkai Artificial Turf kaba don ha Dieñshyn-rum, Khliehriat.
Ha kane ka lympung la wan ïashim bynta da 16 tylli ki kynhun ba la phiah ha ki 4 tylli ki Group A, B, C bad D.
Ki kynhun kiba hap ha ka Pool A’ ki long ka Wahiajer Narpuh YSSC, Ladrymbai B SC, Mookhaialong SCSC bad Musniang SC. Ha ka ka Pool B’ ki long ka Tpep-swer SSWO, Lumshken SC, Shilliang Umshong SC bad Rangad SC. Ha ka Pool C’ ki long ka Chiehruphi SYWSC, R. Pohskur SC, R. Synrang Shahkhain SC bad Pamrapaithlu SC. Katba ha ka Pool-C ki long ka Bataw YWSC, Lumpu-thoi SC, Khliehriat West FC bad Byndihati SC.
Haba phai sha ka jingïalehkai kaba nyng-kong hapdeng ka Wahïa-jer NYSSC bad Ladrym-bai BSC ki la ïasam mar shi point hadien ba ki la ïakhaid mar 2-2 kol.
Ha kane ka jingïakhun ka Ladrymbai B.SC ka la ïoh ban pynkhih jar nyngkong ha ka minit kaba 4 ba la thep da u Dasu-khame Dkhar bad u Laxman Lamare ula thep ha ka minit kaba 45+1.
Katba ïa ki kol jong ka Wahiajer NYSSC la thep da u Dawanmonmi Myn-song ha ka minit kaba 27 bad u Skillfull Tariang ula thep ha ka minit kaba 66.
Ha ka jingïakhun kaba bud, ka Tpepswer SSWO ka la pynliem ïa ka Lumshken SC da 2-0 kol. Ïa kine la thep da u Pyni Myrchiang ha ka minit kaba 38 bad u Slitor Shylla haka minit kaba 78.
Ka jingiakhun ha ka sngi Palei kan long hapdeng ka Rymbai Pohskur SC pyrshah ïa ka Chiehruphi SYWSC ha ka por 12 mynsngi, katba ka Lumputhoi SC ïa ka Bataw YWSC ha ka por 2:30 janmiet.
