Jowai, Nailur 21
Ka Rymbai Shkenshynriah FC ka la rung sha ka semi final jong ka lympung ïalehkai (L) Kesilroy Pala Invitation Football Tournament ba la pynïaid da ka West Jaiñtia District Sports Association (WJDSA).
Kane ka la wan urlong hadien ba ka lah pynliem noh ïa ka Mihmyntdi FC da 3-1 kol ha ka quarter final kaba ar kaba la long ha madan Kiang Nangbah Stadium Ladthadlaboh, Jowai ha ka sngi Palei.
Ïa ki kol jong ka Rymbai Shkenshynriah la thep da u Sheen Sohktung ha ka minit kaba 14 & 80 bad u Nickle Bina ha ka minit kaba 86. Katba ka shi kol jong ka Mihmyntdu la thep da u Wailad Shylla ha ka minit kaba 47.
Ha ka sngi Thohdieng, ka jingïakhun quarter final kaba lai kan long hapdeng ka Mukhla FC pyrshah ïa ka Ïalong FC ha ka por 2 baje janmiet.
