Shillong, Nailur 25
Ka Archery Association of Meghalaya (AAM) ka la pynlong ïa ka prokram ban jied ïa ki nongïalehkai siatkhnam ha ka sngi Saitjaiñ ha SAI Training Centre, Shillong ha kaba la wan ïashim bynta 31 ngut ki khynnah na kylleng ki district jong ka Jylla.
Ka jingpynlong ïa kane ka prokram ka long shi bynta ban jied ïa ki nongsiat khnam kiba kynsai ki ban mihkhmat ïa ka Jylla sha ka 43rd NTPC Junior Indian Round, Recurve & Compound National Archery Cham-pionship kaba la thmu ban pynlong ha Bharatpur, Rajasthan naduh 15 haduh 22 tarik u Nai-wieng mynta u snem.
Kitei ki 31 ngut ki nongsiat khnam kiba la wan sha kane ka prokam ki long na East Khasi Hills (11 ngut), Mawkyrwat (10 ngut), Nongstoiñ (2 ngut), Jowai (3 ngut), Ri-Bhoi (3 ngut) bad na ka tnat pulit 2 ngut.
Ha katei ka sngi la ïadon lang ki dkhot jong ka AAM, ki coach na ka tnai ïalehkai ka Sorkar Jylla ka Kong Bansaralin Dhar, ki coach na ka SAI ki long u Gunin Changmai, Besuta Vero bad u Jag Prasad.
Napdeng ki nongïaleh -kai kiba la wan sha kane ka jingpyrshang na ka bynta ka Indian Round, Recurve bad Compound ha ka liang ki kynthei bad shynrang, la ong ba yn sa jied sa tang mar hynriew ngut ki ban ïoh rung sha ka prokram ai jinghikai bad tang mar saw ngut ki ban shah jied ban mihkhmat ïa ka Jylla sha katei ka lympung (Junior National).
