Washington, Risaw:
Ka tnat kam bar ri jong ka United States ha ka Sngi Nyngkong ka la pyntip ba ki don katto katne ngut ki nong US kiba la khlad hapdeng ka jingshah hiar thma ka Israel ha ki lehnoh Hamas jong ka Palestine.
Tat haduh jong katei ka step, ym pat lah ban ioh jingtip tikna ba katno ngut napdeng ki paidbah nongshong shnong ka US kiba don ha katei ka ri, ki la ngat bad shah ktah na katei ka jingleit thombor katei ka kynhun lehnoh ha Israel, hynrei la sngewthuh ba ki don bun ngut ruh ki nong US kiba don ha katei ka thaiñ ba shah thombor ka Israel naduh ka Sngi Saitjaiñ bad Sngi U Blei. Kumta ruh ka US National Security Council ka la phah ia ka jingsngewlem sha ka iing jong kito ki nong United States kiba la duh noh ia ki baieid- bathoiñ jongki ha katei ka jingshah hiar thma jong ka Israel ha kitei ki lehnoh Hamas.
