Jowai, Naiwieng 05
Ka Khasi Students’ Union (KSU), Wahïajer Unit kaba hap hapoh ka Jowai Circle, West Jaiñtia Hills District Unit ha ka 4 tarik Naiwieng ka la pynlong ïa ka jingsam khusnam sha ki khynnah kaba tip kum ka ‘1st Maitshaphrang Award’. Ha kane ka jingsam khusnam la don 4 ngut ki khynnah skul kiba pass bha ha ki eksamin kiba la pdiang ïa kane ka khusnam ba kynthup ïa kawei ka khusnam ‘Bravery Award’. Ha ka jingïalang la ïoh ka jingkren na u samla Emki Shylla, President Wahïajer Unit, samla Leningrad Tariang, General Secretary West Jaiñtia Hills District Unit bad na u samla Phrangki Kyndait, Organising Secretary jong ka seng FKGJP. Ka Shellkitbok Kharbani, Assistant Education Secretary, KSU-Sengkmie u la ai ka jingkyrkhu ïa ki samla ba kin ïai tur shakhmat ban ïoh ïa u soh jong ka jingjop.
