Nongstoiñ, Naiweing 06
Kan long lehse ka jingeh kaba khraw ïa ki khynnah bad ki samla pule kiba don mynta hapdeng ka jingpynkhreh ïa ka eksamin namar ka jingbym don bording tang namar ka jingbym biang lane sniew noh jong ki ‘transformer’ ha ki shnong ki thaw ki jong ki.
Ka HYC West Khasi Hills lyngba ki nongïalam ki la ïathuh ba ka seng ba katkum ka jingïathuh u Executive Engineer ka tnat MePDCL West Khasi Hills haduh mynta ki shnong kiba la duh ‘Transformer’ ha Nongstoiñ Division ki long 9 tylli, katba ha Riangdo Division pat ki don haduh 11 tylli ki shnong.
Ki nongïalam ka HYC ki la ong ruh ba halor kane ka bynta, ka HYC West Khasi Hills District hapoh ka jingïalam u samla Wantei Lyngdoh, General Secretary ki la ïakynduh ïa u EE ha kaba la ïathuh ba haduh mynta palat 20 tylli ki transformer ym shym la pat ïoh.
Kumta ka HYC ka la kyntu ïa ka MePDCL ba ka dei ban pynïoh kloi noh namar kan pynduhnong ïa ka lawei ki samla pule. Ha kajuh ka por ki nongïalam ka HYC ki la ïathuh ruh ba nalor kane, ka HYC ka la pyntip ruh sha u Deputy Commissioner ka West Khasi Hills ba un shim khia lem ïa katei ka bynta.
