Jagdalpur, Naiwieng 07 (UNI)
Uwei u tymmen ba la 93 snem ka rta, u la leit thep ‘vote’ ha ka sien banyngkong ha Bhanupratappur Assembly Constituency ha ka jylla Chhattisgarh ha ka Sngi Ba-Ar.
Utei u tymmen briew ïa uba la tip kyrteng kum u Sher Singh u dei na ka shnong Bhaisa Kanar. Kane ka shnong kaba hap ha Bastar distrik ka don kumba 1,130 ngut ki nongthep ‘vote’ kynthup ïa 586 ngut ki kynthei.
Ha kawei pat ka liang, ka jingthep ‘vote’ ha Chhattisgarh ha ka Sngi Ba-Ar ka la kot sha ka 71% ha ki 20 tylli ki konstitwensi kynthup ïa 10 tylli kiba don ha ki thaiñ ba shah ktah na ka jingdon ki lehnoh Maoist.
Ha kane ka sngi, uwei u heh pulit CRPF u la mynsaw hadien ba u bom IED u la bthei ha Sukma distrik.
Hapdeng ka jingbun ki bor pahara, ka jingthep ‘vote’ ka la poi sha kaba kut ha ka por 3 baje nohphai sngi ha ki 10 tylli ki konstitwensi kiba shah ktah na ka jingdon ki lehnoh Maoist, bad ha ka por 5 baje janmiet ha ki 10 tylli kiwei pat ki konstitwensi. Ka jylla Chhattisgarh ka don 90 ngut ki dkhot ha ka Ïingdorbar Thawaiñ, bad mynta ka sngi, ka dei ka kylla banyngkong jong ka jingthep ‘vote’.
Ka jingñiew ‘vote’ kan long ha ka 3 tarik Nohprah.
