Bhubaneswar, ïaïong:
Ka Congress ka la pyllait ïa ka thup kyrteng jong ar ngut ki kyrtong ki ban ïakhun ïa ka ilekshon Lok Sabha 2024 na Odisha bad phra ngut ki kyrtong na ka bynta ka ilekshon Assembly jong ka jylla.
Ka seng ka la pynïakhun ïa u Nagendra Pradhan bad u Suresh Mohapatra na ka bynta ban ïakhun na Sambalpur bad Cuttack LS konstitwensi. Katkum ka thup kyrteng jong ki kyrtong ba la pyllait da ka Central Election Committee, jong ka AICC, u MLA barim u Debi Prasad Chand un sa ïakhun na Jaleswar Assembly konstitwensi, katba ka Monalisa Lenka kan sa ïakhun na Balasore Assembly konstitwensi.
U Pramod Kumar Hembram un sa ïakhun na Baripada Assembly konstitwensi jong ka Badal Hembram.
Ka seng ka la pynïakhun ïa u Ajay Samal ha Barachan Assembly konstitwensi bad u Fakir Samal un sa ïakhun na Pallhara konstitwensi.
U MLA u Md Moquim u la shah pynïakhun na Barabati-Cuttack konstitwensi katba ka Pratima Mallick kan sa ïakhun na Jagatsinghpur Assembly konstitwensi.
Ka seng haduh mynta ka la pynïakhun ïa u Manoj Kumar Pradhan na Khandapara Assembly konstitwensi bad pynïakhun ïa u Baijayantimala Mohanty na ka konstitwensi.
Ïa ka Assembly bad Lok Sabha 2024 yn sa pynlong marbud ha Odisha ha ki saw tylli ki bynta, ka ban sang da ka bynta kaba nyngkong ha ka 13 tarik, Jymmang, ka bynta kaba ar ha ka 20 tarik, Jymmang, ka bynta balai ha ka 25 tarik, Jymmang bad kaba khatduh ha ka 1 tarik, Jylliew. Ïa ka jingñiew vote yn sa pynlong ha ka 4 tarik, Jylliew.
