New Delhi, Jymmang:
Ka sorkar kmie ha ka Sngi Ba-ar ka la nang pynjlan shuh shuh ha kaba ïadei bad ka jingpyrkhing ïa ka seng LTTE sa san snem na ka bynta ka jingai mynsiem jong ka halor ki kam sniew jong ki kynhun pyrshah sorkar napdeng kiba bun bad ban ai jingkyrshan ïa ki kynhun kiba don hapoh ki bynta jong ka ri, khamtam ha Tamil Nadu, nalor ki jingbuh jingma ha ki bynta kiba hap hapoh ka ri.
Ka tnat ki kam pohïing jong ka sorkar kmie ka la pyntreikam ïa kane ka jingpyrkhing hapoh ki kyndon (1) bad (3) jong ka kyndon kaba 3 jong ka Unlawful Activities (Prevention) Act, 1967.
Ha ka jingthoh ba la phah, ka tnat ki kam pohïing ka la ong ba ka LTTE ka dei ka kynhun seng kaba na Sri Lanka hynrei ki nongkyrshan, ki nongai mynsiem bad ki nongïarap jong ka ki dei kiba napoh ki bynta jong ka ri India. Ka sorkar kmie ka la ngeit ba ka kynhun LTTE ka dang don bynta ha ka ban leh ïa ki kam beaiñ kiba buh jingma ïa ka shongsuk-shongsaiñ bad ka jingshngaiñ jong ka ri.
