Shillong, Jylliew 23
Ka Meghalaya Football Association (MFA) kan sdang noh ïa ka lympung ïalehkai ki khynnah shynrang ba la tip kum ka Meghalaya Youth League na ka bynta ka Under-14 bad Under-16, naduh ka 20 tarik u Naitung 2024.
Kane ka long ka sien kaba nyng-kong eh ba kane ka Synjuk ka la shim ïa ka sien jam ban pynlong ïa kane ka lympung ha ki saw tylli ki zone kata ha East Khasi Hills Zone, West Khasi Hils Zone, Jaiñtia Zone bad Garo Zone.
Ha kane ka lympung ki don haduh 20 tylli ki kynhun kiba la mihkhmat na ki District Sports Association kaba la phiah sha saw tylli zone. Ki ar tylli ki kynhun ki ban wan ha ki kyrdan ba hakhlieh kin ïoh rung sha ka quarter final ka ban sa pynlong ha ka nongbah Shillong.
Hadien ba la dep ban pynbeit ïa ki kynhun ïalehkai jong ki Synjuk na ka liang ban lum ban lang ïa ki nongmihkhmat jong baroh ki kynhun ïalehkai ha ka 22 tarik Jylliew 2024 ha Conference Hall jong ka Shillong Sports Association ha kaba baroh ki dkhot na kitei ki Synjuk ki la pynpaw ka jingsngewhun mynsiem halor kane ka jingthmu jong ka MFA na ka bynta ban saiñdur ïa ka lawei jong ki khynnah ïalehkai phutbol kiba don ha ki district bapher bapher jong ka Jylla.
