Shillong, Jylliew 23
Ka North East Football Development Council (NEFDC) ka la lum ïa ka jingïalang General Body ha ka Sngi Saitjaiñ ha Assam bad ka la jied ïa u Lalnghinglova Hmar, Myntri ka tnat ïalehkai ka Mizoram kum u President ka Council.
Ka NEFDC ka la jied ruh ia u Menla Ethenpa na Sikkim kum u Senior Vice President, u Bah Hamletson Dohling, President ka Meghalaya Football Association kum u Vice President, u Kipa Ajay uba dei u Treasurer ka AIFF kum u General Secretary.
Nalor kane ka NEFDC ka la jied ruh ïa kiwei kiwei ki nongkitkam na ka bynta ban pyntyllun ïa ki kam jong ka Council da kaba buh hakhmat ban kyntiew ïa ka jingïalehkai Football ha ka thaiñ shatei Lammihngi bad ri baroh kawei.
