Jowai, Risaw 28
U Nathaniel Kharbangar u la khyrwit da ka hat-trick na ka bynta ban pynlong ïa ka Mukhla Raij ban pynliem da 4-0 kol ïa ka Wahïajer SC ha ka lympung ïalehkai Super Division Football League ba la pynïaid da ka Thadlaskeiñ Sports Association (TSA) ha ka sngi Balang ha Multi Sports Complex Wahïajer.
Ha kane ka jingïakhun u Nathaniel ula thep ha ka minit 44, 66 & 86 bad la bynrap ïa ka kol kaba khatduh hashwa ban wai lyngba u Cludio Nongpluh (90+4).
Haba phai sha ka kyrdan ïalehkai First Division, ka Tyrshang SC ka la pynliem ïa ka Ummulong SC da 1-0 kol bad kane ka la wan lyngba u Kamni Challam (61).
