Shillong, Jylliew 25
Ïa ka jingïakop ñiah kali ha ki jaka kiba long ktieh lane ka “MSCM Offroad Trophy” la lah ban pynlong ha ka 20 bad 22 tarik mynta u bnai ha Kyrdemkulai 6 Kilo, Ri-Bhoi District.
Ha kane ka jingïakop kaba ar sngi la wan ïashim bynta da 42 ngut, kynthup ïa 39 ngut ki shynrang bad lai ngut ki kynthei kia la wan naduh Assam bad na kiwei ki district jong ka Jylla kum na West Khasi Hills, East Khasi Hills, East Jaiñtia Hills, West Jaiñtia Hills bad Ri Bhoi district.
La phiah ïa kine ki jingïakop ha ki lai tylli ki bynta kata ka Super Stock, Modified bad Pro-modified. Kine ki kynthup ïa ka Mud Pie, Stream Challenge, Balancing Bridge, Recovery stage, Scramble Pond, Grassland Maze bad ka Uphill course.
Ha ka Super Stock, ïa ka nam Best Driver la khur da u Balajied Dorphang, Best Co Driver da u Akin Warjri bad Best Team da u Pulstar Langstieh & Arkin Warjri. Ha ka Semi Modified, ïa ka nam Best Team la ïoh da u Raparwell & Mankupar, Best Co Driver ka leit sha u Arbadson Lyngdoh bad Best Driver sha u Sunny Nongrum.
Ha ka Pro Modified, ia ka Best Co Driver la khur da u L. Marbaniang, Best Team ka leit sha u Sandy C. Marbiang & B. Nongrum (overall), Best Driver (in Mud Pie stage) sha u Jeremy F. Nongrum. Ha ka Pro Modified la jop da u Ralph Nongpuir & Yastarlin Parïong, ba-ar u Larry Mukhim & Edward Kurbah bad balai Keron Jyrwa & Leadon H. Marbaniang.
Ha ka Semi Modified la jop da u Sunny Nongrum & Joshua Khongjee, ba-ar u Lickstar Marbaniang & Andrew Khongjee bad balai u Albinus Laskar & M. Kurbah. Ha ka super stock la khur jingjop da u Balajied Dorphang & Lamlin Wanñiang, ba-ar u Kitbok Kyndiah & Balajied Dorphang, katba ïa ka kyrdan balai la khur da u Pulstar Langstieh & Arkin Warjri.
Haba phai sha ka Modified Category jong ki kynthei la khur da ka Philita Syiem, ba-ar ka Ucylica Nongneng bad balai ka Lakyntiew Paliar.
