Chennai, Jylliew:
U Myntri Rangbah jong ka Tamil Nadu u MK Stalin u la pynbna ba kin sa don palat 75,000 tylli ki kam ba lait ha ki tnat treikam bapher bapher jong ka sorkar ïa kiba yn sa pyndap ha u Kyllalyngkot jong u snem 2026.
Katkum ka jingai jingthoh halor ka Rule 110 ha Assembly, u Myntri Rangbah u la ong ba ha ki 18 bnai ban sa wan, ïa ki 17,595 tylli ki kam ba lait yn sa pyndap noh lyngba ka Tamil Nadu Public Service Commission bad 19,260 tylli ki kam hikai ba sah thylli yn sa pyndap lyngba ka Tamil Nadu Teachers Recruitment Board.
Kumjuh ïa ki 3,041 tylli ki Post yn sa pyndap lyngba ka Medical Services Recruitment Board bad 6,688 tylli lyngba ka Tamil Nadu Uniformed Services Recruitment Board. Ki la don kumba 30,219 tylli ki kam ba lait ha ka Social Welfare and Municipal Administration bad Water Supply Department ha kaba ïa kine ruh yn sa pyndap hapoh kine ki por ba la buh, la ong u Myntri Rangbah.
