Itanagar, Naitung:
U Myntri Rangbah jong ka Arunachal Pradesh u Pema Khandu u la pynlong da ka jingïalang kaba kyrpang na ka bynta ban khmih bniah halor ki jingjulor ba bun kiba la long na ka jingïaineh jong u slap uba jur, ki jingtwa khyndew bad ki jingshlei um ha kylleng ki jaka jong ka jylla.
Ka jingthombor jong ki bor ka mariang ki la pynjulor bun bha ha kiba bun ki distrik, ha kaba kane ka la donkam ban pynkloi bad pyntreikam kyrkieh ha kaba ïadei bad ki jingpynbit pynbiang halor kine ki jingjulor ba bun.
U Chief Secretary Dharmendra bad kiwei pat ki heh sorkar ba kham pawkhmat ki la donlang ha kane ka sngi ba la pynlong ïa ka jingïalang, ha kaba la thmu ban lum jingkheiñ bad ban pynbiang ïa ki jingdonkam ha kaba ïadei bad ki jingmaramot bad kiwei pat ki jingïarap na ka bynta ki lanot kiba la ïakynduh jingeh na ki jingthombor jong ki bor ka mariang.
“Ka jingpynbha kaba nyngkong kan long shwa ïa ki surok kiba la julor na ki jingshlei um bad ki jingtwa khyndew bad kane kan long ka jingpyntreikam kaba nyngkong ka ban weng ïa ki jingeh jong ki nongshong shnong,” la ong u Myntri Rangbah ka jingïalang.
