Dubai, Naitung:
Ki lehnoh Houthi jong ka Yemen ha ka Sngi Nyngkong ki la pynbna ba ki dang pynkhreh ban ther bom sha ki 2 tylli ki jhad kiba don ha ka duriaw Red Sea hadien ba ka tnat ïada jong ka Britain ka la pyntip ba ki don ki jingma kiba ap ia kitei ki jhad kiba leit ban iaid lyngba ia katei ka bynta jong ka duriaw Red Sea ha katei ka sngi.
Ki lehnoh Houthi ha katei ka sngi ki la pyntip ba kitei ki 2 tylli ki jhad kiba ka Houthi ka dang phai khmat mynta ki long ka jhad BENTLEY I bad ka jhad CHIOS LION.
Hadien jong katei ka jing pynbna na ka Houthi, ki bor pahara ka Britain ki la iathuh ba katei ka jhad BENLEY-I ka la shah thombor ha ki drone jong ka Houthi bad kumjuh ruh da ki bom bad ki ‘namding ba la wan poi na Yemen ha katei ka sngi.
Namar la ong ba kitei ki lehnoh Houthi kiba ju ioh jingkyrshan bha na ka Afghanistan, ki long ruh ki nongkyrshan ba ratbah jong ka kynhun lehnoh Hamas kaba dang iakhun mynta hapoh Gaza Strip hadien ka jingleit kput jong ka Israel namar ka jingleit thombor jongki ia ka Israel ha ka 7 tarik u Risaw jong u snem 2023.
