Washington, Naitung:
Ka tnat ïada ri jong ka US na Pentagon, ha ka Sngi Palei ka la ong ba ka India ka long ka para marjan kaba “khraw” bad ka America ka khmih lynti ban nang ïai bteng shuh-shuh ia ka jingiatreilang bad ka India ha kine ki snem ki ban wan.
U Pat Ryder, u Press Secretary ka Pentagon, u la kren ia kane hapoh ka jingialang bad ki nongthoh khubor hapoh ka nongbah Washington jong ka US ha ki khyndiat sngi ba la leit.
Haba jubab halor ka jingkylli haba iadei bad ka jingïakynad hapdeng ka Ukraine bad ka Russia, u Ryder u la ong, “Haba ïadei bad ka Ukraine bad ka jingleit hiar thma be-aiñ jong ka Russia sha Ukraine. Ha kaba kut jong ka sngi, ka shong ha ka Ukraine ban rai lano kin long kiba la pynkhreh ban ïakren na ka jingiakren iasuk bad ka Russia.” Namar ia mynta hi, ka jingpyrkhat jong ka US ka dang ïai bteng ban ïatreilang bad ka Ukraine bad ban pynbit- pynbiang ruh ïa ki ïa kaei kaba ki donkam ban ïada ïa u pud- u sam jongka bad ban lait na ki kti jingshah synshar don bor jong ka Russia.
