Qantas, Nailar:
Ka Qantas, ha ka taiew ba la dep, ka la pyndep ïa u mawjam uba la ngeit ba katei ka liengsuiñ ka dei kaba lah ban ïaid jngai tam eh ban kit ïa ki nongleit nongwan khlem da shongthait, ha kaba ka liengsuiñ Airbus A350, ka la ïaid ha suiñ, la palat 24 kynta, ha shwa ba kan hiar ha ka nongbah Toulouse, France. Kane ka jingïaid lynti kaba la ioh\ ban buh jingkheiñ thymmai ka long ruh ka ka sienjam kaba kongsan na ka bynta ka Project Sunrise jong ka kompeni liengsuiñ kaba la slem bha, kaba thmu ban pynïaid ïa ki liengsuiñ khlem sangeh na ki thaiñ mihngi jong ka Australia sha London bad New York naduh u snem 2027.
Kane ka liengsuiñ ka la mih na Melbourne ha ka por 5:27 baje mynstep jong ka 27 tarik u Naitung bad ka la hiar ha ka jaka treikam jong ka Airbus ha Toulouse ha ka por kumba 9:52 baje mynstep ha ka por jong ka 28 tarik u Naitung hadien ba ka la her haduh 24 kynta bad 23-24 minit, ong ka airbus bad f tracking data. Katei ka liengsuin, ka la jngai haduh 23,075 kilomitar (14,338 mer), kaba la iaid lyngba ïa ka duriaw bah Pacific, ka America, ka Canada bad ka duriaw Atlantic, ha shwa ba kan poi sha ka thain shatei jong ka ri France.
Katei ka liengsuiñ, ka la tam ïa ka rekod jong ka jingjrong jong ka liengsuiñ, kaba long mynshwa, kaba long 22 kynta bad 42 minit, kaba la buh da ka Boeing 777-200LR, ha ka por ba ka leit test liengsuiñ Hong Kong-London ha u snem 2005. Kane ka liengsuiñ, kaba la register kum ka F-WULR, ka la leh lyngkot ïa ka jingïaid kai shwa ban hiar, kaba la khring ïa ka jingpyrkhat jong palat 120,000 ngut ki briew kiba la buddien ïa ka lyngba ka Flightradar24. Ka jaka buddien ïa ki liengsuiñ, ka la ong ba kane ka jingleit ka la kylla long ka liengsuiñ kaba ar kaba la buddien bha ha ka histori jong ka, ha kaba palat 3.6 million ngut ki briew ki la bud ïa ka jingïaid shaphrang jong ka. Tang ka liengsuiñ kaba kit ïa ka synduk ïap jong ka Queen Elizabeth II ka la khring shuh shuh ïa ki nongpeitkai.
Kane ka liengsuiñ ka dei ka Airbus A350-1000ULR (Ultra Long Range) ba la pynbha kyrpang bad la pyndap sa da ka tank umphniang kaba 20,000 litre ban pynlah ban kamai ha ki jaka ba jngai bha. Ka Airbus ka la test ïa kane ka liengsuiñ naduh u bnai Rymphang kum shi bynta jong ka prokram ai jingbit kaba ar bnai.
Tang shi taiew shwa kane, kane kajuh ka liengsuiñ ka la pyndep ïa ka jingpyrshang ban her na Toulouse sha Melbourne lyngba ka Indian Ocean tang hapoh 19 kynta tam. Ha ka jingleit kaba khatduh, ki engineer ki la bishar bniah ïa ka rukom pyndonkam umphniang ba la pynkylla, ka jingsawa ha ka cabin, ka jingpynhiar ïa ka lyer bad kiwei kiwei ki rukom ba la shna na ka bynta ki liengsuin kiba neh haduh shisngi pura. Ki don 12 ngut kiba shong ha katei ka liengsuin, ba kynthup ïa 8ngut ki nongtrei test jong ka Airbus, arngut ki nongniah liengsuin Qantas bad arngut ki engineer jong ka liengsuin Airbus.
