Shillong, Nailar 12
Ka jingpynkhreh ïa ka 3rd Sohra International Half Marathon 2024 ka dang ïaid shaphrang bad haduh mynta ki la don haduh 1000 ngut ki la dep pynrung kyrteng ïalade kynthup ïa ar ngut ki nongmareh kiba na Kenya kata u Eliakim Kiplimo bad u Wicliffe Nyagotuga.
Ïa kane ka marathon ka ban long ha ka 21 tarik u Nailur mynta u snem ha Sohra, yn pynlong da ka Meghalaya Athletics Association, ka Meghalaya State Olympic Association hapoh ka jingkhmih da ka Athletics Federation of India bad yn jingkyrshan lang da ka tnat ïalehkai jong ka Sorkar Jylla ha kaba yn pynlut haduh T. 2.3 klur tam.
Na ka liang u Working President ka MSOA u Bah John F. Kharshïing u la pynpaw ba kumba ka long mynta ka dangsah sa tang shi bnai ban sdang ïa katei ka jingïakop. Kumta u la kyntu ïa ki nongïashim bynta ba kin pynkloi ha ka ban pynrung kyrteng ïalade. “Phim donkam ban ap haduh ka minit kaba khatduh ban pynthikna namar ngin pdiang tang haduh 4000 ngut ki nongïashim bynta ha baroh ki kyrdang ïakop.”
Na ka bynta ka 5K Run for Fun, ki lah ban pynurung kyrteng ïalade lyngba ka ‘offline’ hapoh ka shlem treikam jong ka MSOA kaba don ha Polo. Na ka bynta ki skul kiba na ka thaiñ Sohra bad kumjuh ki Seng Samla Shnong ki nongïalehkai ki lah ban pynrung kyrteng ha dukan jong ka Kong Sol Shullai hajan ka petrol pump Thanat. Na ka bynta ki samla pule ki lah ban pynrung kyrteng ha la ki jong ki jong ki skul kumba la leh ha u snem ba la dep.
Lah ban pynkynmaw u Wycliffe bad u Eliakim ki dei kiba la jop teng ha ka LINZ Marathon Austria bad ha ka Kenya Standard Chartered.
