Shillong, Nailar 14
Ka jingïaid lynti jong ar tylli ki kynhun ïalehkai U-13 bad U-15 jong ka 4FOR -ALL Football Academy ka la poi sha kaba kut hadien ba ki la shah rem noh ha ka semi final jong ka DPDL Super Cup 2024 kaba la long ha Bangalore ha kaba ki la shah rem noh ha ka Chennaiyin FC bad ha ka Football4Change.
Wat hapdeng ka jinglah ban ïalehkai bha, hynrei baroh ar tylli ki kynhun ki la shah rem noh ha ka semi final. “Ki khynnah shynrang jong ngi ki la ïoh ïa ka jingshemphang kaba kordor na kane ka lympung ïalehkai wat la ki la wan jngai na ki ïing ki sem jong ki bad khlem artatien ki shim ïalade ba ki long ki khynnah kiba khlaiñ na ka bynta kane ka lympung,” la ong kat kum ka kyrwoh ba la pyllait na katei ka shlem ai jinghikai ha ka Sngi Ba-ar.
Ki lai ngut ki khynnah ïalehkai 4FORALL kiba la ïohpdiang ïa ki khusnan shimet kiba kynthup ïa u Hashwabantei Suting uba la ïohpdiang ïa ka khusnam Best Goalkeeper ha ka U-13, u Lionel Marngar kum u rangthep kol ba kynsai (top scorer) ha ka U-13 bad u Lekystar Wanñiang uba la ïoh ïa ka nam Best Midfielder ha ka U-15.
Ïa kane ka lympung la sdang naduh 7 tarik haduh 11 tarik mynta u bnai. ïa ka kynhun ïalehkai jong ka 4FORALL kaba kynthup ïa baroh 40 ngut ki khynnah ïalehkai la ïalam da lai ngut ki coach (licensed coach) kiba kynthup ïa u Merrick A. Rymbai, u Pailaremdor Syndor bad u Aibor Shabong.
